پویلین سے محمد اظہرالدین کا نام ہٹانے کا فیصلہ: ’دُعا کرتا ہوں کہ دنیا میں ایسا کسی بھی کرکٹر کے ساتھ نہ ہو‘
’آج کا دن میرے لیے بہت افسوسناک ہے۔ میں امید کرتا ہوں اور دعا کرتا ہوں کہ دنیا میں اور انڈیا میں ایسا کسی کرکٹر کے ساتھ نہ ہو۔‘
یہ الفاظ ہیں انڈیا کے معروف کرکٹر اور انڈین کرکٹ ٹیم کے سابق کپتان محمد اظہرالدین کے جو انھوں نے ایک سٹیڈیم سے اُن کا نام ہٹائے جانے کا فیصلہ سامنے آنے کے بعد ادا کیے ہیں۔
اظہرالدین نے انڈین خبررساں ادارے ’پریس ٹرسٹ آف انڈیا‘ سے بات کرتے ہوئے کہا کہ وہ حیدرآباد کرکٹ ایسوسی ایشن (ایچ سی اے) کے اس فیصلے کے خلاف ہائیکورٹ جائیں گے کیونکہ انھیں عدالت پر پورا بھروسہ ہے۔
انھوں نے کہا کہ ماضی میں بھی وہ اپنے خلاف لگائے گئے الزامات کے خلاف عدالت میں گئے تھے، جہاں سے انھیں انصاف ملا تھا۔
اظہرالدین نے یہ بھی کہا کہ انھوں نے انڈیا کے لیے بہت سی قربانیاں دی ہیں اور انھیں انڈیا کے عوام اور اپنے پرستاروں پر پورا بھروسہ کہ وہ حیدرآباد کرکٹ ایسوسی ایشن (ایچ سی اے) کو مناسب جواب دیں گے۔ انھوں نے یہ بھی کہا کہ اُن کے خلاف جو سازش کی جا رہی ہے اس کا جواب ان کے پرستار اور عدالت ہی دے سکتی ہے۔
معاملہ کیا ہے؟
رواں سال 28 فروری کو حیدرآباد کے لارڈز کرکٹ کلب (ایل سی سی) کی جانب سے ایک شکایت درج کروائی گئی تھی جس میں حیدرآباد کے انٹرنیشنل راجیو گاندھی سٹیڈیم کے نارتھ سٹینڈ سے محمد اظہر الدین کا نام ہٹانے کا مطالبہ کیا گیا تھا۔
خیال رہے کہ اظہر الدین سنہ 2019 سے سنہ 2023 تک حیدرآباد کرکٹ ایسوسی ایشن کے صدر رہے تھے۔ اور سنہ 2019 میں ایک اعلیٰ سطحی میٹنگ کے دوران یہ فیصلہ کیا گیا تھا کہ راجیو گاندھی انٹرنیشنل کرکٹ سٹیڈیم میں نارتھ پویلین سٹینڈ کا نام ’وی وی ایس لکشمن‘ کی بجائے محمد اظہرالدین کر دیا جائے۔ بعدازاں یہ فیصلہ منظور کرتے ہوئے سٹینڈ کا نام ’محمد اظہر الدین‘ کر دیا گیا۔
تاہم چند روز قبل حیدر آباد کے لارڈز کرکٹ کلب نے اپنی شکایت میں یہ موقف اختیار کیا کہ یہ مفادات کا تصادم تھا کیونکہ یہ فیصلہ اس وقت لیا گیا جب اظہرالدین بذات خود حیدرآباد کرکٹ ایسوسی ایشن کے صدر تھے۔
اس شکایت پر سماعت کرتے ہوئے محتسب جسٹس وی ایشوریہ نے حیدرآباد کرکٹ ایسوسی ایشن کو نارتھ پویلین سٹینڈ سے اظہر الدین کا نام ہٹانے کا حکم دیا ہے۔ اس کے علاوہ حیدرآباد کرکٹ ایسوسی ایشن کو اظہر الدین کے نام کے ساتھ مزید ٹکٹ جاری نہ کرنے کا حکم بھی دیا گیا ہے۔
- ’الٹی پھینک کھڑی ہو جائے گی‘: سچن سمیت بہترین بلے بازوں کو چکرانے والی گیند کے موجد کی کہانی
- اظہر الدین: ’کلائی کے جادوگر‘ انڈین کپتان جن کا کیریئر میچ فکسنگ کے الزام کی نذر ہوا
- سعید انور: بولرز کے لیے ’ڈراؤنا خواب‘ بننے والے اوپنر جو عمران خان کی طرح کرکٹ کی دنیا چھوڑنا چاہتے تھے
- دنیا کا ’تیز ترین‘ پاکستانی بولر جو صرف پانچ ٹیسٹ میچ ہی کھیل پایا
اپنے 25 صفحات کے فیصلے میں محتسب نے لکھا کہ ’حقیقت یہ ہے کہ ایسوسی ایشن کی جنرل باڈی کی طرف سے فیصلے کی کوئی توثیق نہیں کی گئی ہے، اور یہ امر اظہر الدین کے خلاف کیس کو مزید تقویت دیتا ہے، کیونکہ انھوں نے خود کو فائدہ پہنچانے کے لیے اپنے اختیار سے تجاوز کیا ہے۔’
یہ فیصلہ سامنے آنے کے بعد محمد اظہرالدین نے ’پریس ٹرسٹ آف انڈیا‘ سے بات کرتے ہوئے کہا ہے کہ موجود انتظامیہ انھیں اس لیے نشانہ بنا رہی ہے کیونکہ انھوں نے اپنے دور میں بدعنوانی کی اجازت نہیں دی تھی۔
انھوں نے کہا کہ ’وہ بدمعاش جنھوں نے اپنی زندگی میں کبھی بیٹ نہیں پکڑے وہ ہم پر انگلی اٹھا رہے ہیں۔‘
اظہرالدین نے ’دی ہندو‘ اخبار سے بات کرتے ہوئے کہا کہ ’اس میں مفادات کا کوئی ٹکراؤ نہیں ہے۔ میں تبصرہ نہیں کرنا چاہتا، میں اس حد تک گرنا نہیں چاہتا۔ کرکٹ کی دنیا اس (حیدرآباد) ایسوسی ایشن پر ہنسے گی۔‘
انھوں نے مزید کہا: ‘میں نے 17 سال کرکٹ کھیلی، تقریباً 10 سال بطور کپتان، اور امتیاز کے ساتھ کھیلی۔ حیدرآباد میں آپ کرکٹرز کے ساتھ ایسا سلوک کرتے ہیں۔ یہ انتہائی افسوسناک صورتحال ہے۔‘
اس معاملے پر سوشل میڈیا پر بھی لوگ اپنے اپنے خیالات کا اظہار کر رہے ہیں۔ کچھ لوگ ماضی کی باتیں دہرا رہے ہیں اور کچھ لوگ اظہر الدین کی حمایت میں سامنے آ رہے ہیں۔
ایک صارف نے سوشل میڈیا پلیٹفارم ایکس پر لکھا: ’اظہرالدین جنھوں نے چھ ہزار سے زیادہ ٹیسٹ رنز بنائے، 47 ٹیسٹ میچوں میں ہندوستان کی کپتانی کی، ہمیں تین ورلڈ کپس تک پہنچایا۔۔۔ آئیے اُس کا نام اِس سٹینڈ سے ہٹا دیں۔‘
کوسی ریڈی نامی ایک صارف نے لکھا کہ ’محمد اظہرالدین جن پر میچ فکسنگ کی وجہ سے انڈیا کی جانب سے کھیلنے پر پابندی لگائی گئی، اب وہ بے عزتی کی باتیں کر رہے ہیں۔ انھوں نے اپنے تمام چاہنے والوں کی توہین کی جنھوں نے ان کی حمایت کی اور اپنے وطن کو دھوکہ دیا۔ اس سے زیادہ توہین کیا ہو سکتی ہے۔‘
یاد رہے کہ اظہر الدین نے 99 ٹیسٹ ميچوں کی 147 اننگز میں 6215 رنز بنائے جس میں 22 سنچریاں اور 21 نصف سنچریاں شامل ہیں۔ جبکہ 334 ون ڈے انٹرنیشنل کی 308 اننگز میں اظہر نے 9378 رنز بنائے جس میں سات سنچریاں اور 58 نصف سنچریاں شامل ہیں۔
ٹیسٹ میں ان کا سب سے زیادہ سکور 199 رنز ہے جبکہ ون ڈے میں وہ 153 ناٹ آؤٹ ہے۔ انھوں نے ٹیسٹ اور ون ڈے دونوں میں سو سے زیادہ کیچز پکڑے ہیں۔
- ’الٹی پھینک کھڑی ہو جائے گی‘: سچن سمیت بہترین بلے بازوں کو چکرانے والی گیند کے موجد کی کہانی
- سعید انور: بولرز کے لیے ’ڈراؤنا خواب‘ بننے والے اوپنر جو عمران خان کی طرح کرکٹ کی دنیا چھوڑنا چاہتے تھے
- اظہر الدین: ’کلائی کے جادوگر‘ انڈین کپتان جن کا کیریئر میچ فکسنگ کے الزام کی نذر ہوا
- دنیا کا ’تیز ترین‘ پاکستانی بولر جو صرف پانچ ٹیسٹ میچ ہی کھیل پایا
- احمد آباد کا تاریخی ٹیسٹ میچ: جب عمران خان نے انڈین شائقین کے پتھراؤ پر فیلڈرز کو ہیلمٹ پہنا دیے
- ساجد خان: فوجی کا بیٹا جو ’ہر بار پرفارم کرنے پر ٹیم سے باہر ہو جاتا ہے‘
- ’میڈیا پر جنگ، میدان میں ٹھنڈ‘: ماضی میں سنسنی سے بھرپور پاکستان انڈیا کا میچ جو اب ٹکر کا مقابلہ نہیں رہا
- ایف این ڈی: ’میں چار دن کے لیے ہسپتال گئی تھی مگر پھر دو سال تک وہاں سے باہر نہ نکل سکی‘ - 23/04/2025
- راولپنڈی میں سات سالہ بچی کے مبینہ ریپ اور قتل کے الزام میں ماموں کی گرفتاری اور پراسرار حالات میں ہلاکت - 23/04/2025
- منگل کی دوپہر پہلگام میں کیا ہوا؟ ’حملہ آور جنگل سے باہر آئے اور فائرنگ شروع کر دی، وہ خواتین کو چھوڑ رہے تھے‘ - 23/04/2025
Facebook Comments - Accept Cookies to Enable FB Comments (See Footer).